庫房水浸　陳家強：應投放土地發展

【明報專訊】政府近年被批評盈餘「估錯數」，曾有份制訂預算案、目前為科大兼任教授?財經事務及庫務局前局長陳家強就解釋，做預算時判斷係建基於當時?經濟環境，承認似乎過去一年賣地收入同印花稅真係高，希望政府諗好點用呢筆錢，但對於應唔應該派錢，佢就話「我唔係官員，亦唔想參與討論」。 陳家強接受港台《星期三主場》訪問，佢話以市民、學者身分去睇，政府應將盈餘投放喺土地發展，及留啲錢去做科技發展等。樓價持續上升，佢認為最重要供應係咪足夠，形容目前市場有購買力，樓價高市民買樓就「愈買愈細」，強調入市要謹慎，而去年入市買樓?佢就形容自己唔係睇市况，而係有需要。 陳家強形容港人「好慘」，認為香港必須解決土地問題，若繼續「內部紛爭消耗」，再蹉跎幾年房屋問題都唔會改善。 指港人「為抗爭而抗爭」無出路 對於近日雙學三子案件，陳家強話覺得痛心，見到好多香港人想靠抗爭去改變佢哋唔想見到?事，但佢形容「為抗爭而抗爭」無出路，希望大家回歸理性，畢竟香港有太多問題需要處理。