羊群心理現 提早小陽春？

剛過去的聖誕及新年假期間二手樓市熾熱，各區破頂潮愈演愈烈，小陽春似乎提早出現。 有網上討論區認為：「因觀望加息和新特首林鄭上場，積壓多月的購買力，開始逐漸失去耐性，在市場好物業愈來愈少的情況下，你唔買下次就更貴更差，市面開始出現搶購潮，價錢也一浪高過一浪，估計農曆新年過後，現象會愈來愈普遍；再者落錯車和未上車的會變得愈來愈心急，搶奪樓盤會好激烈。與此同時高鐵，港珠澳大橋通車，經濟大好，大灣區計劃落實，2018年樓價分分鐘上升三成。」 羊群心理下，即使樓價高企也不乏人問津，據美聯研究指出，去年最後一星期35屋苑按周急升36%，創9個月新高，可見市場熾熱氣氛。 分支客心急 無樓睇照買 特別是一些錯失了多次入市機會的睇樓客，他們會顯得焦急，加上擔心樓價愈來愈貴。有分支客搵樓多月，一直未遇到合意合價單位。搵樓初期還有樓睇，隨着市場消化，加上新補充盤有限，市場盤源大減，最終該分支客作出讓步，承接一個無樓睇單位，之前該分支客一直不接受無樓睇單位，理由是買樓涉及幾百萬元，要傾盡積蓄，到最後該分支客還是要向現實低頭，再者樓價低於500萬元，價格合乎所求，條件是該無樓睇單位要交吉賣，因為該分支客要承造逾7成的按揭。市旺無盤時，無樓睇交吉賣的個案是屢見不鮮。 除無連睇單位外，部分準買家要降低揀樓要求，本來中高層，將價就貨下就要選低層，甚至無景單位。 值得一提，買樓不同買件衫，買衫後悔損失有限，但買錯樓損失難以估計。 撰文: 蘭茜 欄名: 樓市放大鏡