港版國安法提案，拖累本港股市急瀉，震盪二手樓市。十大二手屋苑周末睇樓量勁跌約15.4%，為六周新低，同時亦有準買家煞停入市決定。將軍澳海天晉單位原獲用家擬以920萬元購入，惟昨日簽約時甩底。
中原表示，十個主要私人二手屋苑，今、明兩日只錄520組預約睇樓，已連跌兩周。該行伍耀祖稱，天水圍有新盤推出吸客，加上平盤被消化，同區嘉湖山莊只錄40組睇樓客，按周大幅減少55.6%。跌幅為該批屋苑最多。其次是紅磡黃埔花園，同期睇樓都少約28.6%。
買家信心轉弱，即時叫停交易。世紀21日昇黃文龍指，早前有用家洽購海天晉7A座中層H室兩房單位，經議價後，終獲減價20萬元，周四落實承接單位，以實用面積455方呎計，呎價20,220元，並相約昨晚七時簽約。
太古城業主劈116萬求售
但受股市動盪影響，加上有中美貿易戰及新冠肺炎等負面因素，遂睇淡樓市，並致電地產代理取消簽約。而上址業主即場表示，可接受再多1%議價空間。
他續稱，北角區亦有約10%預約睇樓已經取消，有上車客原先預算以800萬元入市，計劃昨晚參觀同區富雅花園放盤，但擔心摸頂，決定取消睇樓。
此外，本月北區二手交投轉旺，但同錄相類個案。美聯周志強透露，有用家日前已參觀粉嶺碧湖花園一個兩房單位，周四還價520萬元，但昨日表示暫緩洽購，要觀望後市再作決定。
個別業主劈價求出貨。該行吳肇基稱，鰂魚涌太古城南山閣高層兩房放盤，叫價由1,416萬元，減至1,300萬元，減幅約8.2%或116萬元。
嘉亨灣銀主盤僅沽1041萬
事實上，近期樓市已出現不少低價或帳面貶值個案。市場消息稱，西灣河嘉亨灣2座高層銀主盤，曾於拍賣市場以1,080萬元推出。日前以約1,041萬元售出，較開價再低近40萬元，成交呎價只約2.1萬元。
近期西半山瑧環錄連環蝕讓，一個高層實用面積650方呎單位，以1,800萬元登記轉手，呎價27,692元，較約十年前購入價帳面低約9.5%。愉景灣津堤1座高層戶，以2,050萬元登記售出，約六年帳面貶值逾550萬元。
利嘉閣地產總裁廖偉強稱，昨日股市波動，短期內將對本港二手市場有一定影響。他又認為，政府應該撤辣，以增加市場放盤，讓二手交投轉活。