【銀行職員Staff Plan按揭注意事項】

係奢侈品公司打工，可以用員工價買「包包」，價錢相當吸引。而係銀行打工，買樓時亦可申請「員工計劃」，而銀行提供嘅「員工計劃」好處包括利息低、成數高以及超易批。雖然銀行「員工計劃」好處不少，但亦有好多地方需要注意。

員工計劃只限員工使用

員工計劃顧名思義只有作為該銀行嘅員工先可以享有嘅福利，即是話員工一旦離職就不能繼續使用。無論屬於「自行離職」抑或「被離職」，只要不再為該行員工，銀行就會Call Loan。如果屬於「自行離職」，相信申請人離職前已經部署好如何應對，問題應該不大。但若然係「被離職」的話，被Call Loan時相信會被殺個措手不及。

轉按至一般按揭計劃時或有障礙

由於絕大部分使用銀行「員工計劃」都會借盡按揭成數，有啲什至乎借足10成按揭，當離職時需要轉按至一般按揭計劃或會出現障礙。由銀行「員工計劃」轉按至高成數按揭，按揭成數上限為8成。

假設樓價為$800萬，欠按揭$720萬（9成），由於轉按最多只能做8成按揭，申請人需要額外拎出樓價嘅1成以補充差額。若樓價超過$1000萬，由於不符合按揭保險適用範圍，最多只能借樓價嘅50%，需補差額或會更多。

沒有現金回贈及高息戶口

銀行一般會為按揭客人提供現金回贈，若經轉介公司轉介更可享有轉介公司提供嘅額外回贈，而「員工計劃」則沒有任何現金回贈。

而且大部分銀行亦會同時提供高息戶口（Mortgage-Link）予客人，客人可將多餘資金放到戶口內收取利息，惟「員工計劃」亦沒有高息戶口提供。

高息戶口Mortgage-link懶人包Q&A

不能加按

銀行「員工計劃」沒有加按選項，即使物業升值亦不能加按套現，資金靈活性相對較低。