【按揭財技】如何實現「零首期」買入$800萬樓

【按揭財技】利用$1300萬物業，無收入如何實現「零首期」買入$800萬樓 銀行審批按揭時，其中一個考慮因素係借款人的還款能力。最常參考就係借款人嘅薪金收入，但若然借款人並非打工仔，又或者已經退休，又有咩方法可以借到按揭？ 客人吳先生持有一層現契物業，價值$1300萬，現打算用太太首置身份再添置一個價值$800萬物業。由於吳先生及太太已經退休沒有工作，故未能提供收入證明予銀行申請按揭，於是乎找筆者求救。 銀行審批按揭有兩個方式，第一種就係入息審批按揭，客人需要符合DSR要求及壓力測試。不涉及按揭保險，一般情況$1000萬以上物業最多可做5成按揭，而$1000萬以下物業則最多做6成按揭及上限$500萬。 而除咗入息審批外，另一種是以資產審批，以資產審批最高按揭成數為4成，最重要嘅係資產審批按揭並不用通過壓力測試。資產審批按揭為好多「有資產，無人工」嘅業主提供一個套現出路。 倒底吳先生最後如何實現「零首期」買入第二個$800萬物業呢？ 首先，吳先生可以用資產審批按揭，從價值$1300萬嘅現契物業中套現4成即$520萬。然後，加上流動現金$280萬，先Full Pay買入$800萬物業。當物業成交後，再將$800萬物業以資產審批方式套現4成即$320萬。吳先生只係需要有$280萬過渡用作成交新物業，其後$280萬將會拎返到手，即是話整個過程，吳先生可以係$1蚊都無從自己口袋拎出嚟，完美地解決吳先生嘅煩惱。而印花稅$30萬（3.75%）亦可從物業中套現繳付，唔使自己現兜兜拎出嚟。 不過大家需要注意，對於資產審批按揭不同銀行都有唔同嘅批核準則，上述例子只供參考，如有需要可聯絡我哋查詢，我哋會協助大家處理。