Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
四月 26, 2024 星期五 微雨 28° 86%

800萬物業借唔到9成按揭嘅原因

 
     
2020/07/09 文博
2019年10月政府放寬按揭保險樓價上限,$800萬物業最多可做9成按揭,不過要借足9成需符合若干條件,亦有部分情況$800萬物業亦借唔足9成。 甩名交易 新例一出,聯名業主開始計劃甩名,其中一人再以首置身份借盡高成數按揭買樓。而如果甩名交易係由其中一個聯名業主將業權份額轉讓予另一個聯名業主,即使是次交易屬於新買賣,$800萬物業最多亦只能做8成按揭。 轉按甩發展商二按 新按保一出,拯救咗好多係兩三年前用發展商二按上會嘅朋友。新例下允許申請人將$1000萬以下物業,由發展商二按轉按到按揭保險高成數按揭,但不具備套現功能。但轉按最多亦只能做8成,即使$800萬物業亦最多只能做8成。 換樓客先賣後買 只要賣樓嘅買賣合約簽訂時間早於買樓嘅買賣合約,申請人仍然可以首置身份買入物業,計平稅。但如果買個層物業嘅成交日期早過賣個層,$800萬物業按保公司亦只能批8成不能批9成。 非首次置業 按揭保險規定只有首次置業人士方可以申請9成按揭,首次置業是指申請人當時亦未持有任何香港住宅物業。即使申請人持有工廠或車位,只要未持有住宅物業則屬於首次置業身份。 非固定收入 非固定收入人士,最多只能申請8成按揭。要申請9成按揭,申請人必須為固定月入人士,若申請人收入為底薪加佣金,只計算底薪部分為收入亦可申請9成按揭。
(文章內容純屬作家個人意見,並不代表本網頁立場)
贊助