「數學家」上身，教你計清楚現金回贈！

銀行會為按揭客人提供現金回贈以作招倈，而現金回贈以貸款額乘以特定百分比計算，目前銀行回贈由1%至1.6%不等。而有部分客人對於回贈「%」嘅計算有啲疑問，就等筆者同大家睇下呢個回贈「%」到底係點計。 首先，現金回贈分為銀行現金回贈以及轉介公司回贈，如果客人經轉介公司到銀行申請按揭，除銀行會為客人提供回贈外，部分轉介公司亦會額外提供現金回贈予客人。若客人直接同銀行申請，則不會得到轉介公司嘅額外回贈。 為咗令大家更容易理解，筆者將用以下例子作說明。假設樓價為$800萬，銀行現金回贈1.6%及轉介公司額外回贈0.3%。 根據金管局指引，$1000萬以下物業最多可做6成按揭，若申請按揭保險，$1000萬或以下物業最高可做8成按揭及$800萬或以下物業最高可做9成按揭。 情況一：不做按揭保險 如果客人不申請按揭保險，$800萬物業最多可借6成，即$480萬。以銀行現金回贈1.6%計算，銀行現金回贈所得為（$480萬*1.6%）＝$76,800 而轉介公司回贈0.3%計算，客人額外可得轉介現金回贈（$480萬*0.3%）＝$14,400 樓價$800樓，貸款額$480萬，沒有申請按揭保險嘅情況，客人總回贈約（$76,800＋14,400）＝$91,200 情況二：申請按揭保險 若客人申請按揭保險，$800萬物業最多可借9成，即$720萬。但要注意，申請高成數按揭時，銀行現金回贈並非直接以貸款額乘以回贈百分比計算。於申請高成數按揭時，銀行會以樓價6成作為上限計算現金回贈。係呢個例子入面，雖然實際貸款額為$720萬，但銀行仍然會以$480萬計算銀行部分嘅現金回贈，所以銀行現金回贈所得為（$480萬*1.6%）＝$76,800 而轉介公司回贈則以實際貸款額計算，以轉介公司回贈0.3%計算，客人額外可得轉介公司現金回贈（$720*0.3%）＝$21,600 樓價$800樓，貸款額$480萬，申請按揭保險的情況，客人總回贈約（$76,800＋$21,600）＝$98,400