轉按套現扣稅攻略

相信最近大家應該陸陸續續都會收到稅局嘅炸彈通知大家要交稅啦。如果見到自己要交好多稅，筆者真係恭喜你呀！因為證明你搵得多！如果你唔想交咁多稅，善用轉按其實亦可以幫你慳返過萬蚊嘅稅務支出，將原先要雙手奉上嘅稅金放返落自己袋口！ 政府於2019年落實就繳付合資格年金保費之納稅人提供薪俸稅和個人入息課稅之稅務扣除，每人每年最高扣稅上限為$60,000。以最高稅階17%的稅率計算，每名納稅人可享有$10,200之稅務減免。而只有該年金保單經保監局核證，符合保監局公布的指明準則才可享有稅務減免。而保監局亦有列出符合扣稅資格之年金產品。 *合資格之年金保單名單*：https://www.ia.org.hk/tc/qualifying_deferred_annuity_policy/List_of_QDAP.html 到底轉按可以扣稅係如何操作？就等筆者同大家分享一下： 舉個例，假設小明月入6萬及達最高稅階17%，物業於數年前買入及物業現值為600萬，剩餘按揭為200萬。小明能夠透過轉按套現及合資格年金保單的安排以零成本節省過萬史稅項支出。 樓價：600萬 未還按揭：200萬 最高可做按揭：360萬（600萬 x 60%） 可套現：160萬（360萬 – 200萬） 小明可以將物業轉按套現160萬，同時間將套現的160萬放到銀行提供的高息戶口對沖利息支出。現時絕大部分銀行均會提供「按揭存款掛勾戶口」，銀行會為戶口內的資金提供相等於按揭利率的利息收入，而高息戶口最多只能存放未償還本金的50%，所以小明加按的160萬變相無需繳付利息。 而小明可以每年從高息戶口中調配$60,000作為合資格年金之保費以得到$10,200的稅務減免。 由於合資格之年金投資回報平均亦有2%-3%，即$10,200的稅務減免穩賺不蝕袋袋平安！做轉按時，銀行及轉介公司亦會提供現金回贈，而現金回贈可超過1.5%，以360萬貸款額計算回贈超過$54,000！ 善用按揭理財，包你慳得多，賺得更多！有任何查詢，歡迎同我地按揭大師聯絡！