居屋補地價黃金時間

香港房地產價格貴絕全球已經係眾所周知嘅事情，所以每次新居屋申請都超額N倍，甚至乎有人將抽中居屋比喻為中六合彩頭獎。居屋係政府以低於市價將住宅出售予符合資格嘅人士。而為防止炒賣，房委會出售居屋時亦設有轉售限制，居屋只有係完成補地價後方可隨意加按套現及自由轉讓。 計算補地價(參看圖表)： 舉個例 補地價時物業市價：450萬 買入時物業十足之市價：400萬 物業之買入價：280萬 折扣率＝（400萬 – 280萬）/ 400萬=30% 補價＝450萬 X 30%＝135萬 由此可見，折扣率係買入物業時經已知道，而補地價之實際金額則直接與補地價時樓價成正向關係；即補地價時樓價愈高，業主所需補之地價就會愈高。反映香港樓價指標嘅中原城市領先指數CCL最近由高位回落，看似仲有機會再跌，目前會唔會係另一次居屋補地價嘅黃金時間？