Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
六月 18, 2024 星期二 短暫陽光 有驟雨 30° 81%

按揭用返自己Main Bank係咪容易批啲?

 
     
2019/11/04 文博
處理按揭申請嘅時候,不時都有客人會問「申請返自己Main Bank同出糧戶口個間銀行,按揭係咪容易批啲?」。 要解答呢個問題,首先我哋要了解銀行對於按揭批核背後個邏輯。 銀行在處理客人按揭申請時需要客人提供相關文件作審批之用,文件包括: 1. 身分證明文件 2. 入息證明(糧單 / 出糧戶口記錄 / 稅單) 3. 住址證明 4. 臨時或正式買賣合約(新買賣) 5. 按揭還款時間表(轉按) 事實上,向每間銀行申請按揭所需提供文件基本上都一樣,理論上唔存在Main Bank或出糧戶口銀行就會容易批啲嘅情況,因為銀行都係根據客人所提供嘅資料及文件而決定是否批出按揭。只要客人提供嘅文件符合銀行嘅批核準則,銀行一般都會批出按揭。 只有不同銀行對於「自僱人士」或「老闆客」嘅按揭申請審批準則略有不同,但不關乎是否Main Bank或出糧戶口銀行。 而只有一個情況,向出糧戶口間銀行申請按揭會較易批出按揭,就係客人未能提供出糧戶口記錄予銀行作審批。 由於部分客人沒有申請郵寄月結單同網上銀行,甚至連「簿仔」都無,呢個情況就去返出糧戶口間銀行申請按揭會比較方便。因為出糧戶口銀行本身有齊客人出糧記錄,客人無需額外提供。
(文章內容純屬作家個人意見,並不代表本網頁立場)
贊助