Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
六月 25, 2024 星期二 間有陽光 幾陣驟雨 32° 67% 酷熱天氣警告

供款年期應該愈長愈好定愈短愈好?

 
     
2019/10/03 文博
俗語話齋「無債一身輕」;咁申請請按揭貸款個時,供款年期選擇上應該愈長愈好定還是愈短愈好呢? 實際上,選擇供款年期長短並沒有一個必然嘅答案,借款人應視乎個人狀況而定。 而考慮供款年期長短嘅因素有以下呢幾樣…… 1. 還款能力 承造按揭貸款,借款人除咗要有能力還錢之外,同時間要通過壓力測試。以相同貸款額計算,如果還款期較短的話,每月供款會較多;相反還款期較長,則每月供款較少,較易通過壓力測試。 以400萬貸款額為例,假設利率為2.625%,分30年供款,每月供款$16,066,最低月入要求為$38,377;分20年供款,每月供款$21,441,最低月入要求為$46,331。 2. 年齡 現時按揭最長年期為30年,最長年期不超過(80 – 人齡/樓齡),而實際最長按揭年期則各銀行略有不同。 以(80 – 人齡/樓齡)為例,即借款人50歲申請按揭,最高仍能批出30年期按揭。但以香港一般打工仔退休年齡為65歲,退休時借款人仍需繼續供樓,到時候客人係咪有足夠能力繼續供樓?係選擇供款年期長短時亦應考慮此因素。 3. 資金的運用 由於按揭是有利息成本,愈長還款年期嘅按揭貸款,總利息支出會較多,如若資金沒有出路嘅情況下選擇較短供款年期可以減少利息開支。而事實上,現時按揭利率只有2厘幾,係成本極平嘅借貸工具,而要係市場上搵到保本而有4%-5%回報嘅投資絕不困難,若客人能夠善用手上嘅資源,分分鐘可以做到「套息差」嘅效果。
(文章內容純屬作家個人意見,並不代表本網頁立場)
贊助