啱啱換咗老闆做唔做到按揭？

筆者最近同個朋友食飯傾開計，話題都離不開呻下「香港價樓好高，後生仔好難上車」同埋「腦細好仆X」。 呢位友人最近就同佢腦細嘈咗鑊勁嘅，諗緊炒唔炒佢腦細魷魚。 而佢計劃緊買樓，但就擔心啱啱轉新工，銀行會唔批個按揭。因為申請按揭，銀行會要求申請人最少提供最近三個月嘅入息證明。 相信有唔少朋友都可能有相同嘅疑問：「啱啱轉新工做唔做到按揭？」 事實上，只要按揭成數不超過6成，只要提供新一份工作嘅僱員合約以及最近一個月的銀行出糧記錄，銀行都可以批出按揭。 若然新工為非固定收入，則要提供半年入息證明作審批。 但如果按揭成數超話6成，只要能提供上一份工作的入息證明及稅單，而兩份工作是連住，亦可照批。 如新工以佣金為主，按揭成數超過6成，新舊工作的佣金都不能計算，只能用底薪計算入息證明。 而剛轉新工申請按揭亦需注意： 1. 新工同舊工斷開左 香港工作壓力大，唔少朋友新舊工交替個時會順便過返一頭半個月假。如果按揭成數不超過六成，銀行批出按揭問題不大。 但若然按揭成數超過6成，新工又未返夠3個月，便有機會唔批。 所以遇到新舊工斷開呢個情況，揾銀行同HKMC作預批就更穩陣。 2. 高薪跳槽 俗語有云：「唔係猛龍唔過江」 。相信唔少朋友轉新工應該都會加人工，有啲甚至乎可以以誇張去形容。 若轉新工而又大幅加薪，係按揭成數不超過6成的情況下，銀行批出按揭應問題不大。 但按揭成數超過6成，而新公司並非大公司，則有機會唔批；相反新工是在大公司及公營機構則較大機會批出按揭。 因為在審批機構角度，轉新工而又大幅加薪有「篤數」上會之嫌，而大公司及公營機構則較難「篤數」。