【2019居屋全面睇 – 馬鞍山錦暉苑】

馬鞍山錦暉苑 2019居屋推出共6個屋苑，馬鞍山錦暉苑為當中距離市區較遠的一個。錦暉苑提供共735個單位，預計售價為156萬至348萬。156萬入場費的單位亦為今次推售居屋單位當中價錢最平。 1. 7.8萬上到車 此輪推出的6個屋苑單位當中，以錦暉苑提供的156萬為最低入場費單位。以綠表申請資格最高可承造9成半按揭，首期只需7.8萬已經可以做業主。而白表申請者最高可承造9成按揭計算，最低首期亦只需15.6萬就可以做業主。未儲夠「彈藥」嘅不妨考慮一下。 2. 5分鐘步程到恆安站 雖然錦暉苑為是次推出屋苑中，距離市區較遠，但就屋苑步行至港鐵恆安站只需5分鐘腳程，距離港鐵站相當近。若要乘坐巴士到荃灣，尖沙咀及觀塘等地則要走多幾步到海典灣附近的巴士站，由屋苑步行過去約10分鐘。而區內提供的巴士線並不多，總體而言交通配套一般。 3. 中小型單位為主 是次錦暉苑提供的735個單位當中，有525伙為約400呎至500呎的中小型單位，佔逾7成的供應。適合一家大細有小朋友嘅家庭以及計劃未有會有小朋友嘅家庭。 4. 一路向西有海景，最怕西斜㷫烚烚 錦暉苑其中一個賣點就係其面海景觀，屋苑對住馬鞍山海濱長廊，向西單位應可享永久無敵吐露港海景。雖然享有靚景，但會有西斜問題，買家需注意。如果揀唔到向西單位都唔使唔開心。由於屋苑樓高36層約110米高，位於南面及北面嘅私樓「天宇海」同「觀瀾雅軒」僅80米高，即高層向南單位亦可以望到海景。 5. 生活配套未盡完善 錦暉苑未設有商場及街市，最近的商場要到恆安邨的恆安市場，食肆亦不算多。否則要到頌安商場及馬鞍山站附近的馬鞍山廣場，新港城中心等。若要滿足各種衣食住行的需要，要到馬鞍山站外求。