【2019居屋全面睇 – 葵涌尚文苑】

葵涌尚文苑 葵涌尚文苑為單棟樓，前身為房屋署職員宿舍，提供494個單位，為今次2019新居屋中數量最少的一個屋苑。而尚文苑細單位的比例為6個屋苑當中所佔比例最高。預計售價為177萬至354萬。 1. 10分鐘腳程到大窩口站 尚文苑位於德士古道，最近嘅港鐵站係大窩口站，步行距離約10分鐘。若要到荃灣西站乘坐西鐵線，則要步行約20分鐘。而屋苑樓下亦設有巴士站，巴士往來油尖旺，中上環及觀塘區等，交通亦十分便利。 2. 生活配套完善，連接荃灣鬧市 尚文苑附近有大量私人屋苑及公共屋村，包括東亞花園，名逸居，荃灣花園，樂悠居及大窩口村等，已經是發展成熟的一個社區。附近商場有大窩口商場，悅來坊及荃薈等，能夠照顧到居民嘅起居飲食，再行多幾步更有荃灣千色匯，荃灣街市等。荃灣千色匯一帶更加係荃灣鬧市，大量食肆任君選擇，「無飯家庭」一個星期七日出街食都唔怕出街食到厭。 3. 主打細單位，啱晒單身人士新婚夫婦 此輪新居屋推出嘅6個屋苑，當中以尚文苑嘅單位最細。494個單位當中有342伙都係面積介乎200幾呎至300幾呎，佔整個屋苑接近7成，為6個屋苑中細單位比例最高。呢種單位大細最適合單身人士以及新婚夫婦，若家庭成員較多，尚文苑就相對無咁吸引。 4. 對正大馬路，空氣噪音要注意 尚文苑於位德士古道，位置對正德士古道天橋，車水馬龍亦會令到當地嘅空氣質素較差，車來車往更會造成噪音，相信中低層住戶最受影響。