【明報專訊】土瓜灣馬頭圍道首置上車盤「煥然懿居」月底落成，市建局行政總監韋志成噚日喺網誌話，「煥然懿居」採智能技術，因應項目有唔少開放式同1房單位，面積較細，為令住戶更充分運用空間，市建局喺住宅大樓旁邊平台，設儲存倉「懿納」同自助洗衣設施「懿淨」兩項共享設施畀住戶用，仲研究喺儲存倉使用有自動導向功能?「智能托盤」，取代人手運貨，令貨架排得更緊密，增加儲存量。
另有自助洗衣設施
韋志成話住戶可將衣物、被褥等季節用品存放喺大廈儲存倉，但由於《建築物條例》下，儲存倉唔會有樓面面積寬免，加上要符合消防法規等，令儲存倉面積較細，只有約180呎，為令儲存倉更「實用」，市建局同本地創科公司正研究引入「智能托盤」，並配備連繫智能儲存追蹤系統?「聰明腦袋」，以識別住戶物品?儲存位置，自動搬運到指定提貨區，方便存取；市建局稍後會正式招標，委聘承辦商安裝同測試，成為全港首個設有智能倉?住宅項目。
韋志成又話，市建局亦計劃喺大角嘴一個重建項目內，採用「組裝合成」建造技術，係全港首個「組裝合成」?私樓項目。