2020-07-22
經濟日報
「不單無新客，本來諗住翻睇的實客都甩底」，荃灣愉景新城日前錄得1宗新冠肺炎確診個案，區內代理指，睇樓量早於一個多星期前已放緩，近日因疫情肆虐，放盤業主陸續表示暫不安排睇樓，令原本交吉匙盤供應的緊絀情況進一步惡化。
8座低層2房戶 開價760萬
位處荃灣市中心的愉景新城，由3期12座住宅組成，因鄰近港鐵荃灣站及自設大型購物商場，佔盡地利，屋苑有固定的捧場客。但7月至今，愉景新城僅錄得6宗成交，較上月全月11宗成交，大幅減少45%。
美聯首席聯席區域經理梁仲維指，愉景新城近一個星期交投量明顯受疫情拖累，放盤業主見各區疫情升溫，大多表示不會安排睇樓；買家亦因此打消睇樓打算，即使早前已預約「翻睇」的實客，亦紛紛「缺席」。但即使如此，錄有確診個案的第8座，放盤業主並未調低叫價。如正放售的8座低層2房戶，開價760萬元，較同類型2房叫價介乎730萬至740萬元為高。
梁氏直言，就算疫情沒有加劇，但礙於盤源少，交投也因而受阻。現時市場約有70個賣盤計，佔3成不能睇樓，近2成叫價甚為進取，餘下的單位始真正屬貼市價放售。而屬疫廈的第8座，叫價合理的放盤者不足10個，而市場上可以睇樓的交吉鎖匙盤，總數不足5個，準買家可選擇的單位不多，加上疫情下睇樓意慾大為減退，成交放緩屬意料中事，但預計不會有買家因疫市而選擇撻訂離場。
作者：陳嘉敏