疫情反覆，已有部分私人屋苑再度出現確診個案，其中東涌藍天海岸第3期的影岸•紅A座亦被列疫廈名單。不過區內地產代理表示，屋苑的防疫措施一直沒有鬆懈，二手市場成交暫未受影響，而7月至今暫錄5宗成交，宗數比6月全月2宗為多。
正如剛於上周末易手的B座中層G室，實用面積446平方呎，1房戶，向西南，望開揚景，成交價615萬元，呎價13,789元。中原藍天海岸第一分行分區營業經理胡國輝表示，近日區內睇樓明顯減少，但亦有部分準買家遇上心水單位亦會入市，而上址造價屬市價水平。胡氏稱，屋苑的防疫措施一直維持，帶睇樓客進入屋苑範圍，亦需要量體溫，亦有搓手液特供住客及訪客使用，料睇樓人士亦不致太擔心而影響屋苑交投。
3房造價由950萬至999萬
屋苑7月暫錄5宗成交，易手單位中有4宗為3房，造價由950萬至999萬元不等。此類價位有一定承接力，因為最高可承造8成按揭，吸引首期不多的買家入市。
目前放盤量則約有80個左右，不過市場筍盤多屬連租約單位，大部分未能安排睇樓，甚至連約放售。如A座中層A室，實用面積780平方呎，3房戶，連租約叫價998萬元，屬市場同類單位最平放盤，一般交吉放盤叫價均逾1,000萬元。
作者：麥穎華
責任編輯：楊雨