2020-02-08
星島日報
（星島日報報道）肺炎疫情續升溫，其中確診患者居住的「失守屋苑」更首當其衝，該批屋苑本周末預約睇樓量，即時急挫約六成至七成，但仍有零星睇樓客「逆市」出擊，打算趁勢執平貨，並以參觀鎖匙盤為主，但由於普遍要求減幅達半成至一成，業主暫時未願意大幅減價，令買賣呈膠着。
當中有患者不治的紅磡黃埔花園，周末約有6組準買家睇樓，中原副分區營業經理王子健稱，因疫情持續，大部分業主拒絕開門供睇樓，故此準買家均以參觀鎖匙盤為主，並主力參觀2房單位，大部分睇樓客均打算執平貨，甚至希望業主大幅減價，但因現階段業主議價空間不多，幅度普遍為5%，與睇樓客的期望有差距，令買賣膠着，本月至今尚未錄得成交個案，至於患者所居住的11期，則沒有睇樓客願意前往。
另一失守屋苑將軍澳廣場，美聯高級營業經理陳耀坤稱，周末約有4組準買家睇樓，較正常時期下滑約六至七成，由於現時業主普遍拒絕供睇樓，準買家亦以參觀匙盤為主，但因放售已久，在疫症下寧靜觀其變，該類單位只願提供1%至2%議幅。
世紀21奇豐區域經理莊瑞生稱，馬鞍山銀湖．天峰，以及天宇海周末睇樓量均約有5組，但較正常時期下滑約七成，而目前只有小部分業主可供睇樓，但仍未見大幅減價，但小量議價空間已有原先的約5%，稍增至5%至8%水平。
中原高級區域營業董事余倫峰指，油麻地御金．國峯自確診消息傳出後，睇樓量近乎絕迹，業主普遍亦拒絕準買家上門睇樓，更有約5%至10%業主暫時封盤。
美聯首席高級營業經理羅潔儀表示，何文田半山壹號平時屋苑周末平均有2至3組睇樓客，當確診消息傳出後，本周末卻未有買家前往睇樓。
美聯助理區域經理譚振聲指，青衣灝景灣周末預約睇樓量下跌約三成，一般周末有約4至5組，惟本周僅錄得2組。
利嘉閣助理分區經理梁桂華表示，屯門倚嶺南庭周末未錄得睇樓，亦有七成業主拒絕上門睇樓，甚至封盤觀望後市。
此外，據代理指，日前獲7組準買家排隊參觀的海怡半島高層戶，原先開價803萬，較銀行估值低約100萬，業主剛加價至840萬，正獲準買家出價洽購。
另外，受肺炎疫情影響，整體屋苑周末預約睇樓量跌約6%，美聯住宅部行政總裁布少明表示，市民減少外出，導致睇樓活動有所下降。中原亞太區副主席兼住宅部總裁陳永傑表示，樓市近日氣氛轉靜，買家對後市患得患失，小部分業主謝絕開門睇樓，令部分睇樓活動煞停。