(星島日報報道)英皇國際西半山新盤半山捌號將於明日首輪開售，該公司執行董事楊政龍（Alex、左四）昨日就率領英皇多位藝人，在項目今天截票前「急急腳」參觀示範單位，試用配套，齊齊話家住中半山高人一等，好想立刻進駐。
到訪的包括吳浩康（Deep）、衛詩雅（Michelle）、陳家樂、湯怡（Kathy）、何珮瑜（Jeana）、李靖筠（Gladys）及艾妮（Elly）；Alex表示，項目屬酒店式住宅，單位連全屋傢俬配套，住客只須攜帶行李即可入住，真的好適合藝人、演員、優皮一族等自由工作者，「睇下佢地有冇興趣入飛。」。
七人之中，家樂、Michelle同Kathy已身為業主，雖然3位都已經擁有自己物業，但都心思思想購買半山捌號作投資之用。家樂笑言：「能擁有中環半山物業，感覺上就是地位的象徵；自己有時都會幻想可以過優皮式的都市生活，感覺十分有型。」
一直想置業的Jeana就說：「知道物業有室外恆溫泳池，是中環區內十分罕見；自己之前俾水母灼傷，有少少心理陰影不敢出海遊玩。有室外泳池則可滿足戶外活動和冇水母的兩個願望了！」