鄭若驊上任律政司司長後即被物業僭建醜聞纏身，事隔約一年後，佢名下?屯門海詩別墅四號獨立屋僭建就「被放生」，但其夫潘樂陶擁有毗鄰?三號屋則因僭建而被檢控。姑勿論結果如何，兩人都要按法例還原大宅，喺「實用」面積減少情況下，兩間獨立屋?最新租值竟然同錄得約百分之五?升幅。
涉虛假文書申按揭未甩身
差餉物業估價署最新公布各類型物業?應課差餉租值，當中鄭若驊持有?四號屋，下年度應課租值為四十二萬一千二百元，相比本年度四十萬零八百元，錄約百分之五點升幅。而潘樂陶或有關人士持有?三號屋，則由本年度四十二萬九千六百元，上升約百分五至下年度四十五萬一千二百元。
翻查資料，鄭宅有多處涉僭建，包括天台被指加建成玻璃屋作儲物室、僭建地庫，地下外牆亦被指改建為一個小型玻璃陽台，仲有部分花園範圍被指挖建成水池等，相信還原晒全部位置，實用面積大縮水。話雖如此，呢間屋所涉?僭建醜聞仲未完，皆因鄭若驊涉行使虛假文書申請按揭，仍未甩身。