買樓可以練跳高，幫你認識新鄰居，有埋動物睇？嗱，呢啲唔係新盤宣傳奇招，而係當中部分樓盤騎呢到你估唔到，絲絲睇完都覺得嘆為觀止。香港專業驗樓學會會長、工程監督師詹濟南就大爆過去一年遇上?八大驗樓奇聞。
燈掣高不可攀 泳池有青蛙
計絲絲話，世界上最遙遠?距離係睇到個燈掣，但摸唔到。電燈開關掣安裝位置比一個成年人仲要高，跳高都未必開到。
有樓盤單位一出花園，就掂到隔籬鄰舍個窗，可以同鄰居近距離接觸，輕易窺探到佢哋?一舉一動，有「窺探鄰居奇則」之稱，住喺度同鄰居做朋友話咁易。而大型私人屋苑附設游泳池，已經係指定動作，但唔知係咪怕住客悶，送青蛙陪游水。
不過詹Sir話，佢最深刻係一個天台單位?地腳，未抿夠水泥就冚塊瓦仔上去，輕輕掂吓就幾層一齊剝落，佢改名做「一層、兩層定三層？」絲絲就覺得啲瓦片似三文治多啲喇。
新樓單位面積愈來愈細，設施仍然一應俱全，但個別質素非常參差。好似浴室個「超智花灑」因為水壓問題會自動升高，部分更水花四濺，成為「失控花灑」。亦有廁紙架位置完全貼晒坐廁，坐廁蓋打開就會撞到，變成「最親密的廁紙架」，幾咁Sweet。
詹Sir話佢去年檢驗約40個新落成屋苑，整體樓宇表現有進步，大部分平均分都超過80分，但個別小型發展商表現就比較遜色。
余絲韻