2019-07-26
經濟日報
7月多場遊行示威及元朗襲擊事件，令睇樓客卻步，入市態度轉趨審慎，有搵樓客坦言目前着眼點不是樓價，而是睇定局勢發展，社會環境，才決定置業計劃。
翻查數據，7月首3個星期周六、日，10大屋苑交投量低位徘徊，成交量少於10宗，惟價位依然高企，未見回落。受到元朗襲擊事件影響，各區睇樓活動即時降溫。前線代理表示，今個星期生客幾近絕迹，即使約咗睇樓的準買家也婉拒暫時不睇樓，即使單位已接近心中預算價，也暫且擱置不睇，因為普遍認為目前本港整體環境不和諧，局勢不穩，且個個星期均有新衝擊，處於動盪環境下入市態度甚為飄忽。
交投萎縮 樓價下調壓力大
市場人士認為，若情況持續未得到改善和受控制，二手交投量會萎縮，市場盤源將一反常態出現增加，在供應多需求少情況下，樓價難免有下調壓力，賣方要大幅減價方能現承接力。正如去年娥6招實施後，二手市場一度冰封，賣方終要落價求售，去年10月和11月樓價經歷低位。
事實上，無人會知道事態發展，港人向來羊群心態，做事往往一窩蜂，怕蝕底，甚麼都要搶購，旺市敢搶高價盤，市況逆轉下，交投步伐放緩，靜觀其變。
不過，有準買家趁勢在市場物色單位，且成功議價，現階段傾價買方佔上風，該準買家亦買得理想安樂窩。準買家幾時入市，最大關鍵是要切合自己的需要，有沒有供樓和承擔風險的能力。
撰文 : 蘭茜