【明報專訊】恒地（0012）創辦人「四叔」李兆基從星期二起，正式退任主席兼總經理，交棒畀兩個仔家傑同家誠。到噚日香港小輪（0050）股東會，四叔?「助手」亦即小輪主席林高演就話，由於四叔仲係恒地?執行董事，所以仍然會參加公司周一例會，就算唔出席都會睇番啲會議紀錄。過往若果有過200億至300億?大投標時，就算董事會做咗決定，都會問番四叔意見。不過，講開又講，林高演話，四叔覺得兩個仔過往提出?意見都令佢覺得合適，所以放心交番畀兩個仔揸旗咁話喎。
周一仍會參加公司例會
不過，點都好，四叔年事已高，無可能事事親力親為，所以下一代?決策如果無乜太大差池，理應可以放心。尤其近年恒地投到?項目，只有少數大刁如中環美利道?大項目要過200億，呢個項目應該可以收租支持公司發展，又真係使乜咁擔心呀！點都好，小琴祝四叔享受天倫、弄孫之樂、身體健康！