2018-12-28
明報
【明報專訊】近年借錢廣告到處都有，事實上借財仔唔係好事，但亦唔係咩新鮮事，不過借到一家三口都按樓借錢，呢個究竟係咩玩法，小琴就非常好奇了。
話說美女老闆王瑤旗下財務公司環球信貸（1669），噚日批咗兩筆合共1160萬元貸款出去，借呢兩筆貸款?債仔A同債仔B，分別係按咗一個何文田商舖同九龍兩個住宅二按，但有趣之處係，原來債仔A同債仔B係兩公婆，而且連埋債仔C，即係債仔A老竇、債仔B?老爺，佢哋一家三口都係財仔熟客。
齋還利息逾780萬
環球信貸話，佢哋一家三口除咗新借嗰筆錢之外，原來仲爭緊公司接近3600萬，仲按咗唔少物業嚟借呢筆錢，包括11間旺角住宅同3個旺角舖位，加加埋埋齋還利息都超過780萬，條數都幾襟計，所以話真係還得到先好借呀。