2019-02-14
明報
【明報專訊】中環中心換咗新業主一段時間後，噚日適逢己亥豬年正月初九，大廈管理公司同新業主一齊舉行開市儀式。當中包括大廈管理公司第一太平戴維斯、業主金利豐（1031）主席兼執行董事朱沃裕、行政總裁兼執行董事朱李月華、「小巴大王」人人汽車董事長馬亞木更罕有同埋佢長孫馬雍景一齊出席。
除此之外，出席者仲包括中國港澳台僑和平發展基金管理公司?張海華等，佢哋一齊主持舞獅點睛，寓意喺生意場上「火眼金睛」，財源滾滾；然後又參與舞獅表演及採青儀式，意在「遍地生財」。
接手後首次高調現身
講開又講，長實（1113）上年出售中環中心75%業權呢單世紀大刁，轟動全球，新業主接手後極之低調幾乎無出過嚟，今次搞個儀式出番嚟畀大家大鑼大鼓影吓相壯吓威，點都叫做有個交代。
[小琴密語]