2018-12-11
經濟日報
第四季起投資市場轉弱，測量師行話，因為做大刁有滯後，今年業績理想，但因年尾差，明年上半年生意難睇好。
上半年投資市場暢旺，錄得多宗數以十億元大刁，聽測量師行的代理話，今年多間行生意均錄新高，正因去年至今年中，市場非常活躍，而做大刁多數有滯後，即數個月後才正式成交，故今年生意理想。不過，因為下半年起市場氣氛轉差，大手買賣急跌，相信要待明年初才有轉機，上半年生意一定麻麻。
撰文 : 東尼