2014-05-17
太陽報
政府減辣，帶動今、明兩日二手樓市升溫，代理行指出，十大屋苑期內預約睇樓量升逾10%，鰂魚涌太古城同期睇樓量更勁升20%；用家出動掃細價樓，以295萬元購天水圍嘉湖山莊兩房戶，料為今年屋苑最貴兩房。另外，東涌日前單日錄得6宗二手成交，為近期罕見。
嘉湖山莊
屋苑本周末預約睇樓量升14.3%，樂湖居兩房戶售295萬元，料創今年兩房新高
減辣後二手樓市升溫情況
中原陳永傑稱，政府提出技術性修訂雙倍印花稅（DSD），帶動樓市氣氛，二手屋苑近日交投上升，買家睇樓積極。該行稱，十大屋苑今、明兩日錄約765組預約睇樓，按周顯著回升約10.9%。
太古城睇樓增20%
該行趙鴻運表示，太古城本周末預約睇樓量按周升約20%，本月已錄約17宗買賣。該行續指出，太古城本月錄5宗連約成交，屋苑寧安閣高層G室，累減102萬元後，連租約售698萬元。
至於細價樓，美聯黃錦瀚稱，沙田第一城缺盤下，本周末預約睇樓量按周升約8.3%，近日買家無樓睇仍入市，如44座低層H室，上車客無睇樓即以約310萬元購入，實用呎價約1.02萬元。該行黎燦強稱，準買家出動探市，嘉湖山莊本周末預約睇樓量，按周升約14.3%。
樓價再度向上，中原謝明亮稱，嘉湖山莊樂湖居13座高層E室，實用面積約448方呎，用家見政府減辣，即以295萬元入市，實用呎價約6,585元，高市價約9%。世紀21奇豐梁榮貴稱，馬鞍山近日連錄成交，有早前沽貨租樓買家，見辣招修訂，即再入市，以約700萬元購入區內嵐岸5座高層B室，較上月底同類成交升價約9%。
投資者391萬購藍天
而減辣後二手樓市收租客再現。中原稱，東涌前日單日錄6宗二手買賣，減辣後投資者看好後市，即以約391.5萬元購入藍天海岸6座高層F室收租，另付約17.6萬元DSD。已持有屯門麗寶大廈單位收租業主，無睇樓即以約177.8萬元增購該廈中層D室收租，實用呎價約7,471元，屬低市價，另付約2.7萬元DSD。
各區買家續搶盤。該行表示，沙田帝堡城5座高層A室，放盤一日即售558萬元；粉嶺牽晴間本月錄14宗買賣，其中2座高層A室，放盤一日內售334萬元。
利嘉閣稱，元朗YOHO Town9座高層A室，無樓睇仍獲383.8萬元承接。