2018-08-03
東方日報
叙福樓(01978)尋日宣布收購「永華麵家」於香港、澳門及新加坡註冊之商標，要進軍中華麵食市場咁話。用幾錢收購？通告冇講喎。
叙福樓宣布收購永華麵家商標。圖為主席黃傑龍。
叙福樓宣布收購永華麵家商標。圖為主席黃傑龍。
「永華麵家」？咪即係喺灣仔修頓球場對面近70年歷史嗰間雲吞麵舖囉，出名有「兩好」，就係「好貴」同「好味」，一碗上湯蝦子竹笙收成180大元！
冀傳承打麵技術
人家得過米芝蓮推介嘛，招牌嘢係鮮蝦雲吞竹昇麵、南乳豬手麵同桑寄生蓮子蛋茶。咩係竹昇麵？即係師傅每日騎住大碌竹壓出嚟嗰啲麵條。不過，聽講間舖做到今個月底，就會光榮結業。
叙福樓話，今次收購係想延續「永華」品牌同佢哋?製麵秘方，想將呢種快失傳?打麵技術傳承落去咁話喎。咦？唔通跟住會搞連鎖店？