【本報訊】在土瓜灣榮光街／崇安街重建項目，受影響業主歡迎市建局入場重建，苦訴單位天花嚴重滲水，長期甩灰，食飯期間不時加料食灰。然而，有劏房租客卻因要覓地搬遷而感到十分徬徨，擔心要捱更貴的租金。
業主陳太一家五口居於重建範圍舊樓十二年，單位天花因滲水而剝落，每隔三年便要維修。她形容：「漏水漏到要黐膠袋，周圍擺盆裝水，食飯又會跌灰加料，最驚跌舊石落嚟！」有業主指大廈曾因石屎剝落，屋宇署要三度派人到場緊急維修，她出入大廈時亦感到驚慌。
劏房戶商戶憂捱貴租
劏房戶譚先生與太太同住，以四千元月租約一百平方呎單位。他擔心重建後再搵地方搬遷，要面對更貴租金：「劏房都愈嚟愈難搵，要重新搵過，一定更貴！」
商戶方面，在自置舖位開車房近廿年的趙先生，得悉重建後感到不開心，雖然有賠償，但相信日後應無法買得同樣面積的舖位，而為做生意，估計屆時只能大舖換細舖。鄰近的單車店陳先生則稱，目前以一萬元月租有關的舖位，難以負擔更貴的租金，故考慮遷至樓上舖繼續營業，估計會流失近半生意額，「預咗搬上樓就冇咗班街客！」至於租地舖開鋼材店約十年的溫先生，更擔心難於其他地方覓得租金相宜，又能擺放大批鋼材的舖位，頓感前路茫茫。
研建地下公眾停車場
另外，市區重建局首次在重建項目加入公眾停車場元素，昨啟動九龍城榮光街及崇安街重建項目，望與同區五個重建項目組成小社區，並初步構思於其中一個項目擬建的地下停車場加設公眾泊車位，從而減低區內路邊泊車的需要。市建局指現時仍與相關政府部門商討有關建議，預計藉此將路面的泊車需要轉移至地下，釋放更多地面空間用作擴闊行人道、進行美化或綠化工作，改善城市景觀。