大欖郊園邊陲現罕見蝶 房協研建屋可行性 環團憂低估生態價值

【明報專訊】政府今年5月邀請房協研究喺大欖同馬鞍山郊野公園邊陲地建屋係咪可行，綠色力量早前喺大欖郊野公園邊皮做蝴蝶普查，噚日公布結果，話喺嗰度錄得71種蝴蝶，佔全港蝴蝶種類約三成，包括兩種非常罕見物種同5種罕見物種，顯示嗰度蝴蝶資源豐富。 綠色力量高級環境事務經理單家驊話，其中一種罕見蝴蝶白弄蝶喺大欖郊野公園邊皮錄得較多數目，但喺其他蝴蝶熱點只有零星數目出沒。佢又話嗰度發現咗唔少未獲評級、近年先喺粉嶺鹿頸及梅窩等地發現?蝴蝶，包括窄紋袖弄蝶、曲紋黛眼蝶同綠裙邊翠蛺蝶。單家驊話，該會過去較少喺郊野公園範圍做蝴蝶普查，但房協正研究開發郊野公園?可行性，因此特登將嗰度納入普查地點，因為擔心當局專登低估或隱瞞當地生態價值，所以拿拿臨記錄蝴蝶資源。 房協回應話研究係初步可行性探討，旨在提供參考資料，會要求顧問公司喺研究期間聽取相關團體?意見，研究地點係咪適合起屋，需視乎嗰度?生態價值同及公眾享用價值等。既然有人提出嗰度有生態價值，Emily都希望房協多聽意見啦。