憂變富戶收公屋 買家急「上車」

綠表買家向來揀擇，不少「景泰苑」申請人均表明只會選購大單位，細單位不作考慮，其中申請人陳先生直言該屋苑格局及設施與公屋無異，但考慮到交通尚算便利，加上價格便宜，故希望成功購買大單位，坦言揀樓時一旦只剩細單位便會放棄購買，又指已預留一百萬元作首期，日後由兒子負責供樓，由於單位自住，不擔心樓市波動。 只揀大單位 唔吼細單位 綠置居要求綠表人成功購樓後要交還公屋單位。申請人陳先生昨到樂富房委會客戶服務中心索取價單及觀看樓宇模型，他表明由於公屋富戶政策將行收緊，形容自己遲早會變成富戶，因此預早購買資助房屋免被收回單位。他指曾試抽五、六次居屋均未能購買心儀單位，今次會以平常心看待，但不會選擇細單位。 另一申請人陳女士抽中首十個揀樓號碼，坦言等候購樓機會已久，但多次申請居屋均未能如願「上車」，「依家住兩房公屋單位，四、五個人住好逼，樓價升到咁，私樓都要抽籤，好離譜」，又指景泰苑雖屬插針式興建，設施不及大型屋苑，但若有兩房單位大單位的話，會考慮購買。另一位居於長沙灣公屋的申請人王太現與丈夫同住，她稱會考慮購買二百多平方呎以上的單位，「又唔係貴呀嘛，個女話買畀我，好開心，加息都唔緊要啦」。