2017-05-26
明報
【明報專訊】新世界發展（0017）旗下新世界中心耗資200億?重建項目終於有新消息！集團噚日公布，重建後項目將命名為Victoria Dockside，聽個名好似好高級咁！不過，睇集團介紹，呢個項目唔係sell名店shopping，而係主打藝術、設計同消閒體驗，睇返成個設計團隊，除咗有知名?設計師同建築師，仲有熱愛藝術文化?集團執行副主席鄭志剛，似乎新project同鄭志剛係同一個style。
呢個項目名稱其實幾有心思，「Victoria」代表香港維多利亞港；「Dockside」就意指地址前身?藍煙囪碼頭，鄭志剛話，呢個綜合商業發展項目好似一座巨型萬花筒，有甲級寫字樓、酒店、藝術消閒空間……預計項目會喺2019年全面落成啟用。究竟新項目係咪真係好似萬花筒咁精彩？小琴都好期待。
純官未有現身新創建股東會
今日係新世界股東會，小琴原本諗住搵主席鄭家純八下新項目進度，不過聽講純官而家仲係康復階段，噚日新創建（0659）股東會都無現身，今日應該會繼續缺席股東會。
[小琴密語]