2017-02-15
經濟日報
過去的1月份，適逢是農曆年，各區的睇樓量無可避免受到影響，不過中半山，睇樓量反而按月略為增加，約1成左右，而受惠大額成交，總成交金額更逆市急升。
睇樓增1成 買家入市意慾增
由於去年12月份，也是遇上另一個傳統大節日聖誕節，故睇樓步伐稍為減慢，但踏入1月份，該區的睇樓量仍然可以逆市略為增加。
中原豪宅Stately Home中半山高級資深營業董事林少禮指，今年初外區推出的新盤，以中、細價為主，雖然與中半山的樓價及買家大不相同，惟市場的氣氛也因為一手表現不俗，也提高區內的二手買家入市的意慾。綜觀1月份的睇樓客中，偏向搵2,000萬至3,000萬元以上的樓價，大約佔5成以上，相信是搵該類樓價的買家，換樓需求較高。
而如睇樓客遇上心儀的單位，也願意以合理的市價承接，不過亦有部分睇樓客期待搵筍盤，所以出價往往比市價還低1成，惟有心入市的人士，一般只會比業主的叫價，低約5%而已。
世紀大廈中層 4848萬沽出
1月份區內共錄得9宗買賣，單位質素屬中上，涉及的樓價也偏大碼，當中涉及3,000萬元起，已佔去6宗，令區內總成交金額升62%。當中已約有1年未錄成交的世紀大廈，亦打破悶局，為1座中層B室，實用面積2,041平方呎，建築面積2,565平方呎，成功以4,848萬元沽出，實用呎價23,753元。
其實，屋苑對上的成交，為去年1月，低層B室，當時以4,700萬元賣出，對比新近成交價，僅較低層成交高3%而已，惟上述以中層戶質素，市價應可處5,200萬至5,300萬元左右。據了解，屋苑目前有4間放賣，均屬於B室，除了一間極低層開價4,700萬元外，低層戶叫價已達5,100萬元起，至高層的6,700萬元不等。
地利根德閣的承接力依然理想，短時間內連環錄得兩宗買賣，包括1座及3座，其中地利根德閣1座錄得屋苑呎價及樓價新高成交，為高層B室，實用面積2,330平方呎，建築面積3,052平方呎，以5,980萬元賣出，無論呎價及樓價，均打破1座歷年紀錄。
撰文:
龔綺玲