2016-03-04
太陽報
何文田地皮以理想價賣出，立即激發大批豪宅新盤食住個勢踩油登場。長實地產（01113）等馬頭角君柏?樓書昨日正式派發，示範單位今日起接受預約參觀，發展商講到明隨時開價同最快下周開售。另會德豐地產喺正何文田區?ONE HOMANTIN，都話估計短期獲批預售文件，下季隨即以市價開售。
長實地產投資董事黃思聰同劉Sir講，君柏?樓書昨日已經上載去到一手銷售資訊網同埋派發，示範單位今起接受預約參觀，隨時開價同最快下周開售，首批唔少於50伙，由於項目已經攞咗入伙紙，預約參觀人士將獲登記資料，稍後優先安排參觀現樓單位。
黃光耀預告貼市價賣
另外，同系紅磡維港．星岸昨日加推5座30樓A、B、C室喺本月七至三十一日招標賣。
會德豐地產常務董事黃光耀都話，何文田地皮以理想價賣咗，反映發展商睇好同區前景，地皮成交價亦令集團推盤更有信心。佢話旗下同區ONE HOMANTIN估計短期獲批預售文件，現正積極籌備樓書及示範單位，料下季開售，一定會以貼市價推出。
會德豐地產市務助理總經理陳惠慈話，ONE HOMANTIN由6座物業組成，提供561伙，標準戶間隔一房至四房，面積約370至970方呎，當中主打?兩、三房戶佔整體約80%比例，同時提供56個特色戶，最大面積1,564方呎，特色戶有機會以招標形式推售。旗下部分樓盤昨日推出復活節優惠。
天璽逸瓏園紛加推
另一方面，大批豪宅貨尾盤趁勢加推單位，其中，新地（00016）西南九龍天璽加推第20座第1區76A、76B、76C及76D共4伙喺下周一起賣。呢批單位價單售價3,838.2萬至8,202.2萬元，呎價47,127至55,385元。
嘉里建設（00683）等沙田玖瓏山昨日都加推8個特色戶?價單，價單售價5,680萬至7,880萬元，呎價26,220至33,762元，後者創項目新高。信置（00083）西貢逸瓏園原價加推30伙價單，價單平均呎價16,456元，折實平均呎價14,070元。