用家心急搶盤 頻現無睇樓承接

(星島日報報道)樓市逐步回穩，適逢近期再未有大型全新盤推售，購買力顯著回流二手市場，令大屋苑放盤買少見少，部分心急的用家，更於未有睇樓情況下迅速拍板購入單位。其中，東涌映灣園有用家無睇樓下，以逾400萬元購入單位，屯門康德花園更有上車客單靠睇相，已決心入市。 　　市場頻現買家無睇樓下入市，美聯首席高級營業經理鄺啟鋒表示，東涌映灣園5座低層F室，2房間隔，面積470方呎，有用家在未睇樓情況下，以約426萬元承接，呎價9064元。 　　被視作上車熱門選擇的屯門區，更有買家單憑睇相就入市。祥益高級營業經理黃肇雯表示，屯門康德花園3座低層F室早前推出放售，叫價290萬元，準買家只可睇相，不能睇樓，但近日仍獲一組上車客睇相後即時拍板購入，上述屬2房單位，面積363方呎，成交價283萬元，較開價略低2.4。