2016-01-30
星島日報
(星島日報報道)農曆新年將至，樓市進入傳統淡季，加上環球股市反覆，令準買家入市態度轉趨審慎。市場消息指，周末預約睇樓量連跌兩周，今明兩天預約睇樓量按周下跌百分之三，百大屋苑錄得預約睇樓近一千一百多組，且以用家心態執平貨為主導，當中上車盤天水圍嘉湖山莊，由於大部分低價筍盤獲市場消化，睇樓量較上周大減約一成一。
綜合市場消息指，市場低價筍盤一度湧現，不少準買家紛出動執平貨，惟隨着市場消化大部分低價盤源後，加上農曆新年將至，進入本地樓市傳統淡季，本周末預約睇樓量未能延續兩周前升勢，按周持續輕微下跌百分之三。市場消息指，多個大型屋苑預約睇樓量均出現下跌，反映買家入市態度謹慎，料睇樓量需於農曆新年後才可逐步回升。
中原亞太區住宅部總裁陳永傑表示，本月樓市成交由細價樓主導，頻錄新低價成交，中上價屋苑減幅有限，故成交量維持低迷。此外，遇上股市及外圍環境波動反覆，令準買家入市態度更趨審慎，近日天氣寒冷及有雨，亦會影響準買家出動睇樓意欲，近日新春節日氣氛漸濃，預計睇樓活動會陸續減少。
美聯住宅部行政總裁布少明表示，距離猴年只有約一星期，一般貼近春節為市場傳統淡季，部分客戶辦年貨及準備應節活動，故預約睇樓活動難免受影響，亦導致周末預約睇樓量有所回落調整。不過，隨着部分業主接受現實減價，料可望刺激部分客人，尤其上車買家購買力，故預期春節後二手交投可望逐步回升。
中原區域營業經理王樹明表示，美國加息後大市方向明確，今月天水圍嘉湖山莊有不少業主讓步減價，刺激成交加快，至今共錄約五十六宗成交，較上月急升九成，當中以三房大單位減幅較顯著，帶動成交量較集中於大單位物業，平均呎價則進一步回落至六千六百三十元水平。由於新春將至，節日氣氛日漸濃厚，本周末屋苑睇樓預約較上周大幅縮減一成一，他補充，除非業主肯大幅落價，否則準買家並不急於入市，令短期二手成交步伐顯著放緩。
港島區指標屋苑如鴨脷洲海怡半島，周末預約睇樓量亦錄得逾一成跌幅，僅錄約五十組，美聯分行首席高級營業經理林潤強表示，該屋苑睇樓活動減少，主要是受到不少家庭客開始要辦年貨，部分業主亦暫停供開放單位睇樓活動，頓時令睇樓量有所下跌。
港島區藍籌屋苑鰂魚涌太古城新錄成交量較上月回升，受節日氣氛影響，本周末預約睇樓量保持平穩，利嘉閣助理營業董事丁培鴻表示，受今個周末天氣回暖帶動，該區準買家出外睇樓意欲較上周略為增加，且亦錄得部分準買家抱持執平貨心態四出覓心水物業。