2016-01-22
太陽報
樓市向下，多個新盤發展商亦要以貼市價、甚至要減價吸客，但喺「個個都減」?情況下，卓能集團（00131）執行副主席趙式芝同劉Sir講，佢哋荃灣壹號九龍山頂暫時就唔會考慮減價，原因係「水頭充足」，因為之前深圳龍華?卓能雅苑喺一個半月內賣咗約300伙，套現超過12億元，所以唔會急住賣港樓套現。信置（00083）旗下大埔逸瓏灣I項目兩日內連沽4伙，套現約1.5億元。
趙式芝昨日同劉Sir講，深圳龍華卓能雅苑銷情好，累售約300伙，套現約12.69億元人民幣，集團依家資金充足，唔會急住套現，所以暫時亦都唔會考慮跟隨樓市走勢，下調壹號九龍山頂的售價，該盤依家累售約15伙。據一手住宅銷售資訊網資料，該批單位套現逾2億元。
壹號九龍山頂快入伙
雖然唔會減價，但佢話由於臨近新年佳節，所以就新增入伙宴優惠予買家，總值88,000元，名額10個，仲話可以再考慮增加優惠。佢又透露，今年本港未有新盤推出，而壹號九龍山頂二期料將於年內取得入伙紙。至於內地方面，今年會繼續銷售卓能雅苑，而杭州項目則未會推出，未來會把發展重心移至內地，因為內地機會較多，而利潤也較多。
而該集團於去年出售灣仔卓能廣場全幢，佢話集團總部暫時搬遷至灣仔中環廣場，正承租約莫半層樓面，較以前差唔多佔用五層樓面?總部「細好多」，目前正物色有否全幢商廈可作替代，但就唔會考慮將總部搬上去內地。
股市尋底無礙豪宅買家入市，信置旗下大埔逸瓏灣I售出第19座17樓A室頂層連平台特色戶，成交價4,945.77萬元，呎價26,547元。劉Sir八到，買家為本地家族，之前已購入項目海景相連單位，收樓後對環境及質素感滿意，所以決定增購項目特色戶自用。項目兩日內連沽4伙，套現約1.5億元。
代理新春利是谷開單
新年將至，各代理行亦推出開單利是鼓勵前線員工，中原預留40萬元作新春開單利是，凡於本周三至農曆初七前促成住宅或工商舖買賣及租務成交，可獲贈500元利是。而美聯住宅部亦喺農曆初一至初三期間推開單利是，期間促成一手買賣員工可獲3,000元，二手買賣則為2,000元。