2016-01-21
太陽報
本港經濟環境轉弱，加上內地個人遊旅客消費力大減，早年搶租核心區主要街道舖位?藥房，難逃與珠寶金行同一命運。綜合市場資料，過去約五個月，屬零售核心區?銅鑼灣、尖沙咀及旺角，出現至少14宗藥房遷出個案，其中8宗係提早離場。有代理預計，農曆新年過後，核心區多間藥房租約期完結後，四大核心區空置率有機會飆升到10%。
內地旅客消費力大幅滑落已成事實，惟近年開舖「成行成市」?藥房亦響起警號。劉Sir綜合市場資料，過去約五個月，銅鑼灣、尖沙咀及旺角三個主要零售核心區域，錄得至少14宗藥房退租個案，其中旺角為重災區，已佔去7宗，而銅鑼灣及尖沙咀分佔4宗及3宗，而3區當中合共有8宗在租約期未滿下提早退租，另有5宗係退租後舖位交吉到依家。
最新藥房退租個案係旺角洗衣街雙號地舖，面積約550方呎連閣樓，據講前藥房租戶於本月完成租約期後便遷出，現時舖位以約10萬元放租，較舊租金略低。
提早34個月退租夠誇
另外豉油街正醞釀另一退出個案，一個由藥房正租用的單號地舖，近日已於店外張貼「執笠清貨」、「血本無歸」等字句，市場人士透露該舖將於三月租約期滿，料大有機會不續租。
不過，最誇張退租個案係銅鑼灣駱克道單號地舖，原由藥房以月租約51萬元承租至一八年九月，惟早喺舊年十一月已提早34個月退租，現時由利是封店以約25萬元短租；另尖沙咀彌敦道雙號地舖部分，原本亦由藥房以月租約105萬元承租至明年十一月，惟亦於舊年八月提早27個月離場，惟現時舖位依然交吉，並以約90萬元放租。
尖沙咀全幢傳3.2億沽
中原商舖部董事黃偉基同劉Sir講，近月內地個人遊大減，而且來港消費內地人已好少買貴價貨品，好似燕窩及參茸等，令藥房生意大幅回落，估計農曆新年過後，核心區多個舖位租約期完結後，四大核心空置率有機會由目前的7至8%，跳升至10%。
不過，有資深投資者趁淡市入貨，尖沙咀加拿分道37號全幢物業市傳以約3.2億元沽出，而舖王波叔鄧成波承認正洽購該物業，市場估計交易已洽購至尾聲。