2016-01-18
太陽報
供應重災區元朗再有地皮喺今個禮拜五截標，呢幅政府加插喺上季賣地計劃?元朗凹頭住宅地，係今年首幅截標?政府住宅用地，地皮位置毗鄰由新地（00016）發展?新盤爾巒，新地亦已率先表態會研究入標。不過市場對呢幅地皮?估值分歧頗大，有測量師覺得地盤發展上有相當限制，估值最低由約9.9億元起，去到最高約18.4億元。
劉Sir知道，呢幅元朗凹頭住宅地佔地約莫30.63萬方呎，提供大約36.76萬方呎住宅樓面，其實地皮原先並唔屬於上季賣地計劃推出?用地，因為原先計劃推出?大埔荔枝山山塘路、同埋兩幅大埔露輝路住宅地，但受到司法覆核問題影響而未能如期供應，所以政府特意加插咗元朗凹頭同埋另一幅深水埗地皮去填補番供應。
而即將截標?元朗凹頭住宅地，位於新盤爾巒毗鄰，所以劉Sir都相信新地幾大機會出手競投。新地副董事總經理雷霆都話，集團會研究入標。
涉架空路段礙布局
老友高力國際張翹楚就咁睇，佢話呢區民生配套都開始多咗，雖然塊地唔喺正市中心，但都會吸引到財團出價，其中新地喺元朗持有唔少項目，包括毗鄰地皮?爾巒，所以對該集團嚟講都幾有策略性。
但呢幅元朗凹頭地皮位置上對發展有一定局限性，部分測量師就睇得較保守。
理想城市張聖典話，地皮有幾個部分劃咗為不可構設建築物地段，好似西鐵架空鐵路路段下方等等，咁會對項目?發展布局上產生唔少限制，認為做價或者會偏向保守，佢估計每方呎樓面地價約莫2,700元。計番估值就大約9.9億元，係目前市場?下限價。
料建中低密度住宅
至於中原測量師行張競達就對地皮睇得好啲，佢就話，地皮駁車往來西鐵站都算幾方便，而且又可以作中低密度形式發展，有機會提供少量洋房，估計每方呎樓面地價大約5,000元。即係估值約18.4億元，係市場?最高估值。