2015-11-03
太陽報
天氣開始稍為轉涼，樓市已率先步入寒冬，發展商推盤態度亦轉趨審慎。大批原定部署今年開售新盤，好大機會順延明年才登場，估計涉及逾3,700伙，當中包括新世界（00017）北角FLEUR PAVILIA同新地（00016）筲箕灣項目等。不過，粗略估計本月仲有機會多逾5,700伙新盤單位開售搶客，一手市場依然可能出現爭崩頭式競爭。
有發展商高層同劉Sir呻，近排樓市交投淡靜，就算發展商狂推高成數按揭等催谷買家入市，都唔係個個新盤可以賣晒推出?單位，個市明顯未見起色。
同時，再加上年底前剩番時間愈嚟愈少，踏入十二月又會畀聖誕節濃厚假期氣氛影響，唔少原定今年想推?新盤，早就減慢籌備推盤步伐，好大機會都要順延到出年先賣。
事實上，年初嗰陣各大發展商都急不及待預告今年強大推盤陣容，當中唔少樓盤今年以嚟都無乜動靜。
新世界兩盤料有變數
除咗市況逆轉之外，唔多唔少都同建築進度同政府批文進展等等有關。好似新世界原定年尾有機會開售?FLEUR PAVILIA同清水灣MOUNT PAVILIA，今年推售機會相信都唔大，後者至今仲未獲批預售文件。
至於新地今年原本強攻元朗區市場，有機會連環開售區內3個新盤，但至今仲未啟動軟銷攻勢，當中估計以峻巒第1A至1C期喺年內開售機會較大。
發展商早前透露，Grand YOHO Development第1期料明年先登場。同系部署開售多時?筲箕灣大型重建項目，最快都係明年先賣。
逾十盤5700伙月內推
豪宅方面，會德豐地產原定最快年中開售?山頂Mount Nicholson，仲等緊批入伙紙，相信出年先會推售。
不過，咪以為少咗新盤推售會令競爭降溫，事實係發展商仲要爭崩頭搶客，單計今個月就有逾10個新盤部署開售，涉逾5,700個單位。
另一方面，恒地（00012）旺角利奧坊．曉岸及尖沙咀AVA 62，分別首錄1伙及2伙交易未有進展。
此外，永泰地產（00369）等紅磡何文田山畔加推17伙於本周六發售。