2016-07-08
經濟日報
近月白居二積極在市場物色單位，吸納了一批居二盤，致令居二盤更加緊絀，缺盤情況比私樓更甚。
白居二主要揀選一些樓齡新的居屋，普遍約10餘年樓的新晉居屋，而居二盤盤源向來不多，本身已有一批綠表客客源，近月市場多了一批白居二搵樓。經過多個月消化後，現時居二盤出現乾涸狀態，不乏人等盤情況。
港島東年輕居屋 長期零放盤
正如港島東多個年輕居屋，愛蝶灣、東旭苑和東濤苑，能睇樓的居二盤寥寥可數，即使有放盤，叫價進取，主要是賣方可賣可不賣，有試水溫心態，目前叫價最硬淨是居屋王東旭苑，其3房戶居二叫價動輒逾600萬元，個別優質單位叫價680萬元。
貼近市場叫價的盤源往往能於短時間被市場吸納，如愛蝶灣一個低層3房戶，以居二價498萬元沽出。單位原本開價約520萬元，賣方終減價22萬元。與此同時，新蒲崗采頤花園一個3房戶，原本開價550萬元，放盤約1個月，以居二價528萬元沽出。
個別地區居屋，某類呎數或某類間隔長期無放盤，如東濤苑3房戶長期缺盤，往往處於零放盤。部分新晉居屋經過第二季消化後，出現人等盤情況，凡有新放盤即成市場焦點和銷售對象，區內地產代理就知會搵盤的準買家，若準買家有興趣隨即安排睇樓。
馬鞍山錦泰苑一個2房戶，放盤後即吸引多組準買家睇樓。據了解，該單位質素普通，而賣方見多人睇樓，叫價一度提價，未幾亦以市價沽出，可見市場出現放一個盤、賣一個盤情況。
撰文:
蘭茜
欄名: 樓市放大鏡