2015-10-27
太陽報
大規模新盤開售潮就快殺到埋身，為盡快吸納客源，發展商拿拿臨加速推盤。恒地（00012）上周六開售反應理想?旺角利奧坊．曉岸，昨加推全新價單，涉及118伙，價單平均呎價19,215元，折實平均呎價17,294元，部分單位平均加價約2%，本周六發售。其實近期貨尾有上升?趨勢，發展商都咪話唔心急，有代理話，今年第三季新盤貨尾多達7,176伙，係近五個季度?新高。
利奧坊．曉岸上周六開售首批162伙，極速沽出159伙，發展商尋日食住個勢加推全新價單，涉及118伙，加推單位?價單售價介乎373.3萬至763.1萬元，呎價由16,683至21,381元，折實售價就由335.97萬至686.79萬元，呎價由15,015至19,243元。
劉Sir仲發現，利奧坊．曉岸今次加推有部分單位已經加咗價，平均加幅約2%，個別最高加價更加逾5%，反映銷情理想直接加強咗發展商定價信心。
該盤尋日都上載咗全新銷售安排，星期六起發售，今日起接受認購。恒地負責銷售?尖沙咀凱譽，發展商上個星期六起降低一按貸款額去到樓價八成。
引入高成數一按吸客
為咗刺激買家入市，近排唔少發展商都爭相引入高成數一按吸客，南豐?西半山羅便臣道80號尋日更新價單，新增由南豐財務提供按揭，貸款額不超過樓價80%，按揭年期最長不超過三十年，首36個月之利率為3厘，其後全期按最優惠利率減1厘。
事實上，近排幾個開售新盤都錄得唔錯成績，新世界（00017）元朗柏（氵喬）尋日再售兩伙，不過亦首錄兩宗交易未有進展。尖沙咀AVA 62累售35伙，佔首推單位超過一半。另外，本年中以632.1萬元售出的紅磡VIVA的3樓C室，錄得終止交易。
新增貨尾紅磡最多
老友中原黃良昇話，第三季選取全港184個新盤統計，加埋約60,309伙，登記售出咗?單位有53,119伙，貨尾就有7,176伙，係近五個季度新高，按季多咗2,002伙，貨尾比重亦按季升約2.9個百分點至11.9%。以地區劃分，紅磡新增675個貨尾最多，其次離島亦多咗539個貨尾單位。
佢仲話，貨尾多咗，一方面係新盤銷售未趕及登記，另方面有個別新盤銷售未如理想值得關注，料今季貨尾繼續增加。