2015-07-15
太陽報
市區重建局馬頭角北帝街/新山道項目尋日截標，由於項目「細細粒容易食」，加上沙中線鐵路效應，吸引各類型?發展商入標，總共收到20份標書，成為該局歷來最多標書?發展項目。
市建局早前全數邀請晒32家有份遞交意向書?財團入標，競投北帝街/新山道項目，尋日截標反應相當熱烈，項目屬市區罕有住宅地皮，提供160伙，市場估值最高約莫7.42億元。
長實新地出手競逐
市建局發言人同劉Sir講，今次總共收到20份標書，係該局歷來最多標書?市區重建項目。翻查資料，舊紀錄係○四年深水埗福榮街/福華街合作發展項目創出16份標書的紀錄，該項目最後由信置（00083）投得，發展》為今日?海峯。市建局話招標遴選小組會評審每份標書，又會就批出項目發展協議向市建局董事會提交建議，由董事會作出最終決定。
今次入標財團除長實地產（00113）、新地（00016）、新世界（00017）等大型發展商外，仲吸引一眾中小型發展商，好似香港小輪（00050）、永泰（00369）等都有份競逐，英皇（00163）就夥拍世房（00813）合組財團參戰，而莊士中國（00298）則聯同新加坡鴻福合資競投。
首5月動工量增兩倍
獨資入標?遠東發展（00035），公司地產發展部總經理朱寶林就話，呢個項目?商業部分發展潛力大，會着重發展。同樣獨資入標?K&K Property，該公司代表話，未來呢區會有好多舊樓拆卸，新樓供應愈來愈多，慢慢取代啲舊樓，又話中小型單位需求大，市場可以吸納到。
劉Sir睇返屋宇署數據，今年頭五個月累積動工量已達7,788伙，較去年同期2,592伙勁增兩倍，期間全港有26個私宅項目動工，而當中新界區供應最多單位，涉及7個項目、合共3,615個單位，佔整體約46.4%。
另五月批出咗12份住宅建築圖則，當中屯門佔2個，涉及樓面共逾17.13萬方呎。
劉Sir