2016-05-04
經濟日報
欄名: 交易現場
沙田好運中心1房戶，有樓睇與無樓睇之間，兩者叫價相差30萬元，靜候平盤多時的用家，最終情願選擇以「理想價」383萬元，購入無樓睇的單位。
348呎低層 可交吉連裝修
無樓睇但又以理想價成交的單位，為好運中心椰林閣低層E室，屬於實用面積348平方呎的1房，由於尚有租約，為免打擾租客，業主以「無樓睇，可交吉」的狀況下放盤。單位於兩星期多前放盤，開價約390餘萬元，以無樓睇單位而言，叫價屬進取型。
美聯沙田好運中心分行首席高級營業經理梁兆堅表示，目前沙田市中心盤源甚缺，盡管有不少準買家趁樓價回軟而伺機出動睇樓，惟可交吉放售的單位委實不多，如上述1房戶，過去兩個月的成交僅1、2宗，造價介乎350餘萬至380萬元不等，至於上址開價達390餘萬元，最大原因是內籠有裝修。
梁氏指，同類1房的盤源不多，即使叫價相宜，但屬極低層1樓單位，叫價再平，買家興致大減，若堅持要有樓睇者，入場門檻又相對需提高30萬元。
議價7萬成交 呎售11006
至於肯接受無樓睇的用家，據悉，已於區內物色筍盤多時，對屋苑的環境瞭如指掌，遲遲未入市只因未遇到心儀的筍盤，明知上址連租約無樓睇，但看中單位有裝修，雖知道屋苑樓齡逾30年，有必要作全屋大翻新，現成裝修既省支出又可即時入住，再者，低層戶向內園有保證，即使議價幅度不多，也決定以383萬元承接，實用面積呎價11,006元，以同類非交吉盤而言，造價屬理想。