2015-10-22
太陽報
舊年年底，旺角西洋菜南街驚現8個吉舖，但隨住內地個人遊消費模式由高檔轉向大眾化貨品，化妝品店逆市瘋狂搶灘，現時條街只剩番1間吉舖。不過，一街之隔、過去一直係鐘錶珠寶店開舖熱點?彌敦道，近排已先後有多間鐘錶珠寶店及時裝店結束營業，令條街吉舖數量突然增加到4個，由於年底前會再有本地鐘錶珠寶店結業，相信條街吉舖數量會維持一段時間。
劉Sir知道，依家彌敦道有約莫4個吉舖，包括一個雙號舖位，早前原由連鎖鐘錶珠寶店以約85萬元承租，面積約1,200方呎，不過早喺今年六月已經唔續租，依家已經交吉咗4個月。
業主喺舊年十一月曾叫租約130萬元，惟至今仍未獲承接，四度下調叫租，依家以舊租金水平放租。
至於條街丟空時間最長?舖位係一個原由時裝店以約24.5萬元承租?單號地舖連閣樓，面積共約2,300方呎，早喺舊年十二月後已經唔續租，已經吉咗10個月，業主自舊年八月開始以40萬元放租，其後三度下調叫租水平，目前以約30萬元放租。
不敵冷風 時裝店撤退
至於最新一宗棄租個案，係一個原先由時裝及手袋店承租?單號舖位，面積約500方呎，該租戶原以月租約26萬元承租個舖至今年十一月，惟啱啱喺十月初提早一個月結業，目前業主以40萬元放租個舖。
舊年年底曾有多達8個吉舖?同區西洋菜南街（由亞皆老街至登打士街一段），經過超過10個月時間，條街大部分吉舖已經租出咗，不少係由化妝品店承租，依家剩番向西洋菜南街及登打士街?單邊吉舖，以40萬元放租，較舊租金低兩成。
西洋菜南街短租有客
同時，亦有兩個舖位現由短租客承租，包括一個原由連鎖鐘錶店以約75萬元承租?雙號地下B號舖，現由鞋類散貨場以約20萬元短租，現業主叫租約65萬元。
美聯旺舖營業董事許諾謙話，西洋菜南街主要目標顧客為年輕人，故早前條街?吉舖，大多數由近日逆市擴充的大眾化化妝品承租，而彌敦道?目標顧客係購買珠寶金器人士，故條街吸引唔到大眾化商戶進駐，相信吉舖數量會維持一段時間。
彌敦道最新吉舖情況
彌敦道單號地舖
面積：500方呎
放租租金：40萬元
舊租戶：時裝及手袋店
交吉時間：十月起交吉
彌敦道單號地舖
面積：563方呎
放租租金：40萬元
舊租戶：連鎖鐘錶珠寶店
交吉時間：1個月
彌敦道雙號地舖
面積：1,200方呎
放租租金：85萬元
舊租戶：連鎖珠寶店
交吉時間：約4個月
彌敦道單號地舖連閣樓
面積：2,300方呎
放租租金：30萬元
舊租戶：時裝店
交吉時間：約10個月
彌敦道單號地舖*
面積：2,200方呎
放租租金：近70萬元
舊租戶：連鎖鐘錶珠寶店
交吉時間：將於年底交吉
*鐘錶珠寶店表明將於年底結束營業
上述數字均為約數