2014-03-11
太陽報
受政府雙倍印花稅（DSD）終極辣招影響，買賣放盤大減，細價上車屋苑「鎖匙盤」數目暴跌至歷來低位，市場至少有四個指標上車屋苑錄得「鎖匙盤」歷來最少放盤。其中，天水圍嘉湖山莊目前只有約40個鎖匙盤創新低，其他屋苑包括馬鞍山新港城、牛頭角得寶花園及粉嶺碧湖花園。代理預期，缺乏上車盤下，樓價跌勢放緩。
上車客入市前大多要睇樓作比較，惟政府連番出招，直至終極辣招的DSD後，業主換樓近絕迹，令可即時睇樓的鎖匙盤數目暴跌，部分更跌至歷來新低，有意上車買家面對「無樓睇」苦況。
嘉湖鎖匙盤僅40個
祥益蕭嘉偉稱，在○七年內地客開始入市港樓時，嘉湖山莊有約200個鎖匙盤「任睇」，但至現時僅剩餘約40個，創歷來低位，即使有睇樓客查詢，除早已預約業主外，很多時難於即時安排參觀。事實上，該屋苑提供近1.6萬伙單位。
世紀21奇豐梁榮貴稱，新港城現時有約80個買賣放盤，但全屋苑兩房連三房鎖匙盤僅約5個，創歷年最少，不少買家在選擇不多情況下，已要作出入市決定。
另提供逾1萬個單位的沙田第一城，該行周淑萍稱，現時屋苑鎖匙盤數目僅約14個。至於市區上車盤，利嘉閣鮑允中稱，得寶花園現時餘下不足5個鎖匙盤，在70多個買賣放盤中，大部分為連租約單位。
不少交吉單位業主，有感每逢有準買家預約睇樓，要安排時間到場開門較為浪費時間，故寧願將門匙交予地產代理行，方便代理隨時帶客睇樓，增加售出機會，行內對此類放盤俗稱為「鎖匙盤」。
上車客隨時無樓睇
美聯住宅部行政總裁布少明表示，自政府出招後，二手買賣盤源已明顯減少，尤其是可以即時睇樓的鎖匙盤，而近日細價樓需求增加，即使新盤兩房戶亦較受追捧，除預約業主睇樓外，已很難安排買家即時參觀單位作比較，部分上車屋苑交投被拖慢；在剛性需求持續增加下，供應卻回落，料細屋苑樓價下跌速度較慢。
另有代理指出，銀行收緊按揭措施後，令不少有意換樓細價樓業主，恐因同時持有兩個住宅單位，難獲得銀行承按，故打消先買後賣念頭，故鎖匙盤數目每月持續減少；而業主轉售為租，亦是鎖匙盤減少原因。
事實上，鎖匙盤變得「矜貴」，上車客相約業主「開門」睇樓更艱難。代理指出，現時有部分業主，在淡市亦要求睇樓客「帶票」睇樓；在無樓睇情況下，有時亦會安排準買家參觀交吉可睇樓租盤，讓他們先作比較，個別睇樓客為睇樓，更不介意參觀凶宅。