2015-10-16
太陽報
今期Young Home的主角Samantha，坦言對買樓計劃「無諗到咁遠」，但Samantha仍趁空閒做兼職儲錢，時機一到便可入市。她現居粉嶺，等將來能力許可會搬到九龍區，如果瞄準樓價較平市區居屋，有不少鐵路沿線地區可揀。離港鐵藍田站約十分鐘步程的康盈苑，自由市場價398萬元有盤揀。
大專生Samantha尚在求學，閒時有做兼職，「有做餐飲Part time，日常生活慳啲使，自然可以儲錢。」她坦言未到適婚年齡，對將來計劃未「想得太遠」。
居屋實用 藍田盤多
Samantha現居粉嶺，但似乎對該區印象僅屬一般，她說，「將來搬出嚟多數唔會住粉嶺，因為出入市區太遠，返工、出街搭車要較多時間，希望搬到市區，市中心地段、近港鐵站會更佳。」
雖然目前Samantha未有上車計劃，但如將來家人肯幫手，想趁後生上車置業。其實九龍東有不少居屋屋苑選擇，以藍田為例，是一個居屋集中地，不少屋苑近港鐵站，物業保養不俗，最大賣點是單位實用、入場費相宜，上車一族甚為受落。
近港鐵站 交通便利
當中康盈苑離港鐵站只約十分鐘步程，算是樓價划算的一個選擇。屋苑僅一座物業，樓齡約二十四年，雖是舊式居屋的「Y」型格局，惟物業外觀乾淨企理，保養良好。屋苑鄰近德田邨與平田邨，及藍田公園等，景觀不俗。而港鐵站旁有滙景廣場，日常購物消閒不成問題。