2015-12-24
太陽報
近排頻頻有發展商推出高成數按揭搶客，呢個熱潮更加由住宅新盤蔓延到工商舖市場。有地產代理老友同劉Sir講，恒地（00012）啱啱出招促銷旗下市區10多個工商舖物業，呢批物業市值共逾4.2億元，配合買家財務需要，會引入最高售價六成一按揭，估計係市場上首個引入高成數按揭促銷非住宅物業?發展商，而且仲會向買家送首三年管理費優惠。
老友話，恒地最近除咗落力賣住宅新盤之外，仲加強促銷旗下市區合共約12個工商舖物業，針對銀行最高只可以提供售價四成貸款?限制，將會全面配合買家財務需要，最多可提供售價六成一按，大大減輕咗入市財務負擔。
荔枝角道舖嗌億六
據聞，恒地今次促銷?工商舖物業遍布港、九市區多處地點，部分連租約，每伙面積由341至3,589方呎，售價由741.8萬至1.62億元，當中以荔枝角道33號地下3至4號舖價最高，售價1.62億元，呎價約45,138元。
至於西半山輝煌臺地下6號舖，面積341方呎，售價2,402.8萬元，呎價70,463元。
除咗貴重商舖外，今次都有啲細價單位啱本較少?買家，好似長沙灣Global Gateway Tower的27樓2號單位，面積932方呎，售價859.7萬元。
而柴灣東貿廣場22樓D單位，面積1,425方呎，售價1,338萬元。據聞，代理佣金高達樓價1.5%。
囍滙逸瓏灣紛錄成交
對於恒地放售各區商舖，並提供六成一按，紀惠集團副主席廖偉麟話，暫時未知有關詳情，但相信購舖?都係有錢人，所以就算發展商提供高按揭成數都唔會產生不健康現象，自己個人就比較睇好寫字樓前景，因為依家空置率仲係低。
至於住宅新盤，信置（00083）營業部聯席董事田兆源話，節日氣氛未見影響新盤交投，灣仔囍滙第二期及大埔逸瓏灣II近日都錄到售價逾3,000萬元?高價單位成交，西貢逸瓏園的天池屋等特色戶亦錄不少查詢。另外，新世界（00017）元朗蔚林昨日賣出H6花園洋房，以1,919.8萬元售出。