2015-06-26
經濟日報
撰文:蘭茜
欄名:樓市放大鏡
新居屋揀樓約1個月，售出不足5成單位，表現強差人意，半數有得揀樓的申請者放棄資格，換言之，有得揀又放棄，無得揀者就恨。
5個新居屋中，以沙田美柏苑和荃灣尚翠苑最受市場歡迎，分別售出7成和6成單位，反觀，青衣青俊苑和元朗宏富苑，因位置較吊腳，兩個屋各售出不足1成半。
僅美柏苑尚翠苑 售出逾半
港人習性是有得選擇定會左揀右選，比方上茶樓飲茶，若空枱仍充裕，大家可能會揀張闊落，近廚房、又或是有景的枱，若大部分枱已坐滿，港人心態是有枱就可以。
雖然飲茶揀枱有別於買樓，但能先揀樓的申請者甚為審慎，入紙申請只是買個希望，臨到拍板時就縮沙。
然而，對於未能排到揀樓的申請者，情況就不同，有一個白表申請者，揀樓編號1萬多，5個新居屋，合共發售2,160個單位，能揀樓機會相當渺茫，但該申請者仍然相當積極，落力打探的新居屋銷情和最新的揀樓次序。另一對的申請者揀樓編號亦是1萬多，深信無機會揀樓，但仍抱有奇迹出現。
對於住屋需求較大的白表申請者而言，現階段可能捱貴租，又或是與家人暫住，為求一個自己能力範圍的安樂窩，對於單位樓層、方向、有沒有景、對外交通是否方便，都是次要，只是在乎能否有機會揀樓。
新白居二快推 居屋頻破頂
不過，今年以來私樓和居屋市場同樣熾熱，特別是居屋，居二市場和自由市場齊創高價，新一批白居二出台前夕，進一步推高居屋樓價，最新有大角咀富榮花園一個實用面積592平方呎的單位，3房間隔，以自由市場價817.3萬元易手，樓價創全港居屋新高。
面對樓價愈推愈高，打算問津居屋的上車族定要清楚自己能力和需求。