2015-12-16
太陽報
近排零售市道確實係放緩咗，尤其是街舖市況表現更加係走晒樣，之不過大型購物商場出租率依然高企，仍然有可觀租金收益。劉Sir收到風，港鐵（00066）最近就以超過2.98億元完成咗九龍灣德福廣場2期?補地價，將7至8樓?寫字樓樓面轉做零售用途，計番每方呎補價約莫8,156元。
睇番地政總署資料，九龍灣偉業街33號，即係德福廣場，最新以2.9848億元完成咗補地價，劉Sir第一時間搵港鐵求證，順便問下佢哋有咩部署。
青衣城每呎補9686元
港鐵發言人證實，公司正計劃改建德福廣場2期上?兩層寫字樓（7樓及8樓）轉為零售用途，將會增加商場樓面面積約莫36,598方呎，預計喺二○一七年第二季開幕。劉Sir屈指一算，今次每方呎?補價金額大約係8,156元。
根據港鐵資料，整個德福廣場總樓面超過89.3萬方呎，商舖數目有約250間。
劉Sir都知，其實港鐵近排都幾積極拓展旗下商場，好似舊年公司就為毗鄰青衣城?公共交通交匯處?部分樓面完成補價，計劃打造成總樓面大約13萬方呎?購物商場，補價金額達約12.61億元，計番每方呎要9,686元。
另方面，市場對街舖前景就唔多樂觀，中原工商舖潘志明同劉Sir講，今年舖市淡靜，預計明年首季都會低迷，第二季初短租商戶撤出後，吉舖會升，估計中檔品牌好似時裝店同化妝品店等積極落戶，預期出年核心區舖位租售價會跌兩成。
工廈拆售潮料持續
佢話，今年寫字樓空置率極低，估計出年呎價有機會上望4萬元，整體寫字樓呎價升10至15%，租金升5至10%；而工廈就預計會延續今年拆售潮，工廈呎價出年睇升5%，租金升5至10%。
另一方面，老友韋堅信測量師行林晉超就話，今個禮拜五截標?元朗東頭宏業西街與康業街交界商貿地皮，地盤?東北面有液化石油氣站，所以發展商要向政府提交風險評估同埋有關執行及落實措施，預計呢塊地皮估值約莫14.6億元。每方呎大約2,934元，係市場下限價。